Kori i Filharmonisë së Kosovës (Filharmonia e Kosovës) është ansambël profesional me 50 këngëtarë, vazhdimësi e Korit Profesional të Radio Televizionit të Prishtinës, i cili zhvilloi veprimtarinë në vitet ’80 nën drejtimin e dirigjentit Rafet Rudi. Që nga rithemelimi në vitin 2003, Kori i Filharmonisë ka fituar reputacionin e një prej ansambleve korale më të shquara në rajon.

Me datën 31 tetor, në mbylljen e ReMusica Festival XXIV, korit të Filharmonisë së Kosovës i bashkohet Kori i Operës së Kosovës – Opera e Kosovës, për të sjellë një program të pasur me vepra nga Mendi Mengjiqi, Halit Kasapolli/ Hajrullah Syla, E. Whitacre, K. Matsushita, M. Ostzryga, Ē. Ešenvald nën drejtimin e dirigjentit @Hajrullah Syla.

Me solistë Festim Fanaj, violinë; Kaltrina Miftari, soprano, Shkurte Hykaj, soprano ; Rizah Jahaj, tenor; Endrit Rexhepi, bas ; Andi Duraku, piano ; Patris Berisha dhe Meriton Zajmi, perkusione.

31 tetor | Kisha Katolike “Shën Ndou” | 19:00