Edicioni i 4-të i Festivalitr Nërkombëtar të Muzikës së Re, i cili sivjet paraqitet me një emër më të plotësuar “ReMusica” mbështetet në postuletet themelore të cilat, me shumë ambicie, e kemi shpallur që në nismë të këtij festivali, katër vite më parë, e ato kanë qenë – prezentimit i muzikës së shekullit XX para publikut kosovar, të luajtur nga ansamblet kompetente europiane dhe botërore, prezentimi i krijimtarisë së kompozitorëve kosovarë dhe shqiptarë në përgjithësi në një konkurencë të till ku ajo do të mund ta vlerësojë drejt vetëvehten, avantazhet e saja por edhe të metat e saja. Ky ballafaqim i saj me muzikën vlerat e mirëfillta botërore do ta bëjë atë më përgjgjëse për shquarjen e veçorive dalluese të saja dhe njëkohësisht e bën atë komunikative me rrjedhat aktuale të muzikës europiane. 
Sivjet do të fillojmë edhe me një iniciativë tjetër –futjes në program, kohë pas kohe, të veprave të epokave të mëparshme stilistike me të cilat muzika aktuale, muzika e re do të mund të vejë paralele përmbajtësore dhe logjike. Kështu, që në natën e parë, në program do të jetë vepra monumentale e romantikut gjerman Franz Shubertit “Vajza dhe Vdekja”. 

Nxitja dhe afirmimi i veprave të reja, do të jetë edhe më tutje objektiv kryesor i festivalit. Së këndejmi në edicionin e sivjemë do të shohin dritë disa vepra të cilat janë fryt i kësaj përpjekjeje tonën. Festivali do të fillojë me një vepër premiale - “Koncert për saksofon, orkestër harkor e perkusione” të kompozitorit Valton Beqiri, vepër e cilë është shkruar si porosi e festivalit. Në vazhdën e kësaj edhe kompozitorët e rinjë, që gjithnjë më shumë janë prezent në këtë festival, si Arta Zeqiraj, Kushtrim Gashi, Dafina Zeqiri, Vullnet Tahiri, sivjet i prezentojnë punimet më të reja të tyre. 

Në fushën organizative, festivali ballafaqohet me vështërësi të shumta që e bëjnë të lodhshme rrugën tonë dhe ndonjëherë edhe dëshpruese. Përkundër kësaj ne jemi të inkurajuar prej miqëve tanë në botë dhe përkrahjes të Fondacioneve dhe Zyrave ndërlidhës që mbështesin artistët e vendeve të tyre që të marrin pjesë në festivalin tonë. Me antarsimin e festivalit tonë në ECPNM (Konferencën Europiane të Promotorëve të Muzikës), si antare e saj e rregullt, na lehtëson komunikimin me kolegët tanë në botë. 
Festivali Ndërkombëtarë i Muzikës së Re - “ReMusica” si manifestim i vetëm në Kosovë që i dedikohet krijimtarisë së kompozitorëve kosovarë, pret me drejt një mirëkuptim dhe një mbështetje më të madhe. 




Rafet RUDI
Drejtor i Festivalit Prishtinë 10.05.2005